الصوت الأبيض المتوسط

وليس هذا الوصف ملك لي .. لكنه وصف الناقد و المؤرخ الموسيقي الراحل ( كمال النجمي ) لصوت فايزة أحمد ..
فيقول عن فايزة أحمد (( و صوت فايزة أحمد يعترف بجماله كل من يسمعه ، و لكنه ليس بالجمال الباهر الساحر ، و انما هو لون من الجمال المتوسط .. لا يعلو الى قمم الجبال العليا في الأصوات و لا ينحدر الى سفوحها ، بل يبقى في موضع كريم فوق السفح ، و دون القمة ..
فهو صوت أبيض ، لأنه من فضة لا من ذهب ..
وهو صوت متوسط ، لأنه يأخذ مكانه بين القمة و السفح ..
..
و صوت فايزة أحمد هو - الآن - أجمل صوت نسائي يقف أمام التخت الشرقي ، ولا نحتاج طبعا الى استثناء أم كلثوم ، فانها مستثناة من كل مقارنة و موازنة في عالم الأصوات ..
و صوت فايزة يمتاز بحرارة الأداء ، و ثراء النبرات ، و دقة التعبير و ذكائه .. ))

ولدت فايزة أحمد عام 1930 في صيدا بلبنان من أب سوري و أم لبنانية .. و عاشت فترة طفولتها في دمشق حيث اعتادت تقليد أسمهان و ليلى مراد .
و عندما كبرت تقدمت لامتحان الاذاعة .. فنجحت في امتحان اذاعة بيروت ، بينما فشلت في امتحان اذاعة دمشق .. فاتجهت الى حلب و هناك احترفت الغناء و ذاع صيتها بين الجمهور الحلبي فطلبتها الاذاعة الدمشقية لتغني بها !
شدت رحالها الى القاهرة عام 1954 لتحقق حلمها في الشهرة السينمائية متأثرة بأسمهان و نور الهدى و صباح .. لكن مظهرها العادي غير الجذاب و قوامها النحيف و مواهبها المتواضعة في الالقاء و التمثيل حالت دون أن تحقق حلمها .. فلم تقدم في السينما سوى 5 أفلام فقط هم ( أنا و بناتي - تمر حنة - امسك حرامي - ليلى بنت الشاطئ - المليونير الفقير )

اشتهرت فايزة أحمد عن طريق عدة أغنيات لا تزال الأسماع تذكرها لها .. و أهمها ( يا غالي عليا يا حبيبي يا اخويا - أنا قلبي اليك ميال - يا أمه القمر عالباب - ست الحبايب - بيت العز ) ..
لكنها استطاعت اثناء فترة غنائها لالحان زوجها الموسيقار محمد سلطان أن ترسخ تواجدها في عالم الغناء المصري كثاني أهم مطربة بعد أم كلثوم ..
فمنذ لقائهم الأول في لحن ( هاتوا الفل ) في اوائل الستينات .. توالت اعمالهما المشتركة المتعددة ما بين أغنيات شعبية مثل ( قاعد معاي - بالي معاك - أخد حبيبي ) و اغنيات قصيرة مثل ( دنيا جديدة - و على فين طريقنا - و تاريخ الهوى - احنا النهاردة ايه ) و لحن لها أيضا بعض الموشحات مثل ( العيون الكواحل - يا هلالا غاب عنا ) ..
لكن كل هذا لم يكن ليشفع لفايزة أحمد لتتفوق على باقي المطربات .. فنجاة الصغيرة كانت تغني الأغنيات القصيرة المغرقة في الرومانسية .. و شادية اشتهرت بأنها أفضل من يغني الأغاني الخفيفة بادائها المرح .. و كان نجاح شادية و نجاة في التمثيل السينمائي عاملا هاما أيضا في تفوقهم على فايزة أحمد لدى الجمهور ..
لكل تلك الاعتبارات .. كانت فايزة بحاجة الى أن تسلك طريقا آخر بعيدا عن شادية و نجاة لتظهر خلاله تفوقها الصوتي !
لذلك كانت أغاني فايزة أحمد الطويلة هي أكثر ما أكد مكانتها في عالم الغناء ..
غنت فايزة أحمد العديد من الأغاني الطويلة .. أشهرها أغنية غريب يا زمان و أغنية و قدرت تهجر .. و أجملها أغنية نقطة الضعف و أغنية لقيتك فين !
لحن لها اغلب اغانيها الطويلة زوجها محمد سلطان .. بينما لحن لها محمد عبد الوهاب بعض الأغاني أهمها أغنية و قدرت تهجر
و اعتمدت فيها على كلمات أبرز مؤلفي الأغاني .. عبد الوهاب محمد و محمد حمزة و عمر بطيشة و عبد الرحيم منصور ..
ماتت فايزة أحمد في 21 سبتمبر 1983 بعدما حصلت على الجنسية المصرية
..
__________________
نقطة الضعف - غصب عني



غصب عني يا حبيبي .. مهما اقول ابعد و اخبي
القى روحي باحن لك .. و اشتاق لحبي غصب عني

غصب عني كمان باصدق حسن ظني
و اطوي شكي فيك و حيرتي في التمني
و اعمل ايه وياك و حبك اقوى مني

اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي

اشتياقي يا حبيبي و انت غايب .. اشتياق فوق اشتياق كل الحبايب
بس عزة نفسي بتخليني اداري .. و اقدر اصبر و ابتسم في عز ناري


يجرى ما يجرى .. و ما حدش عنده فكرة

و الحقيقة اني بادوب لهفة و حنين
و انتظار على نار و افكار حيرانين

بتغالبني الوحدة و انا مع ناس كتار
و يصاحبني السهد حتى بالنهار
و الدقيقة تمر عليا بسنين

كل ده و انت بعيد .. و اما بتعود من جديد .. كل ثانية تبقى عيد
الحياة بترد فيا .. و السماح يغلب عليا

اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي

نقطة الضعف اللي فيا .. عذبتني

حملتني فوق ما يقدر حد يتحمل ضنى ..
وصلتني اعيش لك انت و انسى حتى مين انا
وامشي ورا قلبي و غرامه في الضلوع
زي طيران الفراشة عالشموع
باعرف اني اروح و ما اعرفش الرجوع

عايز اكتر من كده ايه
انت شفت الحب ده الا معايا

ليه ما بتقدرش ليه
و انا م البداية باحبك حب لسه ما اتعرفشي
و اخاف عالحب مين حب و ما خافشي


يا حبيبي يا حبيبي
زي موج البحر ما بيرجع لبحره باعود اليك

يا حبيبي يا حبيبي
زي ما يخاف اللي تاهت نفسه منه باخاف عليك

و اعمل ايه .. اعمل ايه
اعمل ايه لما عواطفي بتعاندني و بتراضيك
اعمل ايه و انا سر ضعفي رأفة بيك من حبي فيك يا حبيبي

نقطة الضعف اللي عندي كان منايا تبقى عندك
و اللي باشعر بيه لوحدي
انت تشعر بيه لوحدك

كان منايا يا منايا يغيرك عطفي و حناني
كان منايا تبقى ارحم ما بزماني

بس يا خسارة
التمني عاش تمني
و الحياة ما بتديناش كل الاماني

اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي
__________________
لقيتك فين




مفيش في الدنيا حاجة تقدر تبعدني عنك
لا الناس و لا انت حتى تقدر تحرمني منك

لقيتك فين .... و قال لك مين ........... تخليني من العاشقين
و كنا اتنين .... بعاد تايهين...... و دبنا ساعات في غضمة عين

و انا اللي زمان ما كنت باخاف ولا باشتاق
ولا فكرت مرة في لوم ولا فراق
لقيتني ازاي في لحظة بقيت من العشاق

و بأحبك يا حبيبي معايا و مش معايا
بأحبك ياللي حبي ملوش معاك نهاية

و الحب بان عليا ... يا حبيبي بان عليا ... يا حياتي بان عليا
خلاني أشوف بعنيا يا حبيبي اللي ما شفتوش سنين
غيرني يا حبيبي ..دخلني في دنيا تانية
نساني كنت مين

انا كنت مين و فين .. قبل ما أشوفك و اقابلك
و ازاي عدت السنين .. ازاي يا حبيبي قبلك

اول مرة اتقابلنا عرفت اني هاحبك
اخر مرة اتقابلنا اكتر مرة باحبك

شوف عنيا تلاقي صورتك في عنيا .. يا عنيا يا عنيا
ياللي حبك من زمان مكتوب عليا .. يا عنيا يا عنيا


و بأحبك يا حبيبي معايا و مش معايا
بأحبك ياللي حبي ملوش معاك نهاية



يا واخدني معاك ... على فين ما تقول لي ... و اكتر من كده ايه
خليتني أدوب .... وياك على طول ....... في حنان ما اقدرش عليه

بأحبك أه باحبك

خليتني أحب الدنيا و أحب الناس حواليا
خليتني احب حياتي و اعيش للفرحة الجاية

ياللي واحشني و بتوحشني و انا حتى معاك
ياريت دايما تبقى فاكرني و انا مش وياك

يا مشتاقين للحب حبوا زينا
اعشقوا اكتر و اكتر ادنا
حبوا تبقى الدنيا دنيا و تعشقوا الليل و القمر
حبوا تبقوا حاجة تانية و تسهروا احلى سهر

اه يا حب و دعوة من قلبي اللي حب
امانة ما تفرقش أبدا عاشقين

اللي غايب هاته تاني .. و اللي خاصم صالحه تاني
عاللي فايته من سنين

اللي حيران طمنه .. و اللي قاسي حننه
و اللي غيران هدي قلبه بكلمتين

يبقوا كل الناس حبايب .. و الهوى في الدنيا دايب
و اعشقوا يا مشتاقين

و بأحبك يا حبيبي معايا و مش معايا
بأحبك ياللي حبي ملوش معاك نهاية
__________________أيوة تعبني هواك وياك



أيوة تعبني هواك وياك .. ياللي ظلمت الحب معاك
أيوة تعبت تعبت تعبت .. زي ما بتقول اتغيرت
اتغيرت من الحرمان .. مش باتحمل زي زمان
و انا هاتغير .. انا هاتغير
الا في حبك
طمن قلبك .. لسه باحبك
زي زمان .. و اكتر بزمان

ياللي بتسأل عن أحوالي .. و بتستغرب ع اللي جرالي
اتمنيتك تسأل عني .. قبل بعادك ما يغيرني
سبت الدنيا تلعب بيا .. تطفي بريق الشوق في عينيا
حتى البسمة ساعات باناديها .. تهرب مني و تعصى عليا

مين كان يتصور مين .. يبقى اللي ما بينا سنين
و احنا مكناش نتحمل .. بعدنا لو طال ساعتين
وهاجيب الضحكة منين .. و ان جت ، هاضحكها لمين ؟
مع غيرك طعم الفرحة .. بيكون يا حبيبي حزين
توحشني .. اناديلك
لا تجيني .. ولا اجيلك
و الاقيني على حالي
باتمنى تناديني
و استنى .. اتاريني
باناديلك في خيالي
و الاسم باحب .. و ليا حبيب
اما ده حب عجيب و غريب
أيوة تعبني هواك وياك .. ياللي ظلمت الحب معاك
أيوة تعبت تعبت تعبت .. زي ما بتقول اتغيرت
اتغيرت من الحرمان .. مش باتحمل زي زمان
و انا هاتغير .. انا هاتغير
الا في حبك
طمن قلبك .. لسه باحبك
زي زمان .. و اكتر بزمان

يا حبيب أيامي .. يا منى أحلامي
يا أجمل اسم على لساني
لو كنت مكاني .. أكيد تنساني
و يمكن تعشق من تاني
لكن مع ان هواك .. حيرني ليالي معاك
راجعين للحب انا و انت نقول له الناس ظلماك
الحب حلو .. الحب جميل
ملوش في كل الدنيا مثيل
لولا حلاوته ما كان في هواه
في كل ليلة قلوب بتميل
ليه الحبايب .. يختاروا ليه
من الهوا سهره و ناره
و يعيشوا ليه .. الحب عذاب
وما يعيشوش فرح نهاره
و أنا و أنت في الحب نسينا .. نعيش حلاوة ليالينا
واهي رجعت الايام وياك .. بالفرحة بتنادي علينا
ده أنا من شوقي .. باشوف الدنيا بعينيك انت مش بعنيا
حتى الضحكة .. و حتى الدمعة .. أمرها بايديك مش بايديا
في ايدينا نبقى فرحتين .. عايشين في دنيا العاشقين
يا منور أيامي .. يا مصور احلامي
يا واخدني فوق في العالي
يا عاجبني .. و تاعبني
يا شاغلني و سايبني
قول مين غيرك على بالي
عمر الزمان ما يغيرني طول ما انت جنبي
طول ما انت جنبي مطمني .. طول ما انت جنبي
ياللي انت اقرب لي مني .. طول ما انت جنبي
أيوة تعبني هواك وياك .. ياللي ظلمت الحب معاك
أيوة تعبت تعبت تعبت .. زي ما بتقول اتغيرت
اتغيرت من الحرمان .. مش باتحمل زي زمان
و انا هاتغير .. انا هاتغير
الا في حبك
طمن قلبك .. لسه باحبك
زي زمان .. و اكتر بزمان
__________________
أحلى طريق في دنيتي


ياللي الزمان بعتك ليا .. تملى الحياة حب عليا
لا قبل منك قابلني قلب أرق من قلبك ناداني
ولا بعد منك شغلني شئ في الدنيا عنك و لو ثواني
ياللي بقيت فرحتي .. همستي .. دمعتي
أحلى .. أحلى طريق في دنيتي
شفت كل الدنيا فيك .. و خدتني حنية عينيك
على دنيا جديدة عليا .. دنيا ما شافتها عنيا
جاية وياك تناديني .. يا أرق ما شافت عيني
يا أرق ما شافت عيني

ليلة من ليالي عمري .. بس ليلة بكل عمري
لما شفتك بين القلوب .. و قلبي شاور عليك
لقيت كل الزحام بيدوب .. ولا شايفة الا عينيك
وبقيت أنا و أنت لوحدينا
ولا حاسة في الناس حوالينا
كلمتك .. و كلمتني
دوبنا الكلام في ثواني
و سألتك .. و سألتني
ما فضلش أي سؤال تاني
وقربنا .. و كل لحظة تفوت علينا تقربنا
ودوبنا حلاوة الحب نسقي منها قلوبنا
كان كل ده في عينينا
و الوقت فات علينا و عدى
عدى ولا حسينا
و في عز الحلم صحينا .. و أتاري الناس حوالينا
زحام و همس و كلام
لقا و وداع و سلام
خفنا من نظرات عيونا لا يشوفوها
خفنا من دقات قلوبنا لا يسمعوها
وقبل ما يبان علينا .. و قبل ما يحسوا بينا
مشيت أنا .. و مشيت أنت
ولا عارفة راح أشوفك امتى
ياللي بقيت فرحتي .. همستي .. دمعتي
أحلى .. أحلى طريق في دنيتي
شفت كل الدنيا فيك .. و خدتني حنية عينيك
على دنيا جديدة عليا .. دنيا ما شافتها عنيا
جاية وياك تناديني .. يا أرق ما شافت عيني
يا أرق ما شافت عيني

يا دنيا الحيرانين .. يا شوق العاشقين
قولوا لي ريحوني .. اشتاقت ليه عيوني
أشوفه ازاي و فين .. و اسأل عنه مين
يا هلتري مشغول عني و شاغلني بس بيه
يا هلتري يوم ما قابلني قالت لي ايه عينيه
وعدتني ؟ لا ما وعدتنيش
خدعتني ؟ لا ما خدعتنيش
رحت المكان اللي شفته فيه .. لقيت خياله هناك
شافت عنيا .. ضحكة ربيع وردية
ناديت عليه .. ما رد صوته عليا
رجعت بالشوق و الحنين .. وسؤال في قلبي انت فين
ياللي بقيت فرحتي .. همستي .. دمعتي
أحلى .. أحلى طريق في دنيتي
شفت كل الدنيا فيك .. و خدتني حنية عينيك
على دنيا جديدة عليا .. دنيا ما شافتها عنيا
جاية وياك تناديني .. يا أرق ما شافت عيني
يا أرق ما شافت عيني

نهاري و ليلي شاغلني بيك
و حيرتي عليك بتشغلني .. حايلت الشوق و حايلني
وبين ده كله قابلني حبيبي
و قبل ما أقول له و أحكي له .. لقيت جاي بيحكي لي
و قبل حتى ما اشكي له .. سبقني هو يشكي لي
عن الحيرة و عن نارها .. و عن قلبه اللي كان زارها
اتاريه جرى له اللي جرالي .. و اتاري حاله زي حالي
خفنا لا يطول العتاب .. يصحى من تاني العذاب
و قلنا نعيش في دنيتنا .. و تكبر فينا فرحتنا
وان كان فيه خوف جوا قلوبنا .. هيكون عالحب و حبايبنا
انت يا حبيبي ..
ياللي بقيت فرحتي .. همستي .. دمعتي
أحلى .. أحلى طريق في دنيتي
شفت كل الدنيا فيك .. و خدتني حنية عينيك
على دنيا جديدة عليا .. دنيا ما شافتها عنيا
جاية وياك تناديني .. يا أرق ما شافت عيني
يا أرق ما شافت عيني
__________________
و قدرت تهجر


و قدرت تهجر .. يا قلبك
و قدرت تصبر .. يا بختك
و نسيت حياتي .. و سنين حياتي
و قدرت تهرب .. من ذكرياتي
روحي أنا .. ليس بس أنا
ما قدرتش أنسى يوم ولا ساعة هنا
و بيلوموني .. و يقولوا لي ليه
ما اعملش زيك و انسى حبك ليه
هو اللي حبك و شاف حلاوتك
هينسى ايه بس ولا ايه

اللي بيلوموا عليا و يقولوا لي انسى حبك
يعرفوا ايه عن حياتي اللي دابت حب جنبك
أيامي كانت لها ألف معنى .. دنيا و مرسومة احلام
مكنتش دنيا دي كانت جنة .. و الحب كان هو الرسام
كنت أشوف الورد بيفتح بحب بين ايديا
كنت أقول ع الشمس بتروح تحب في دنيا تانية
كانوا كل الناس عرايس لابسة حب و رايحة جاية
كان ساعات الود ودي من هنا الحب اللي فيا
عايزة أفرق منه للدنيا عشان ده كتير عليا
و بيلوموني .. و يقولوا لي ليه
ما اعملش زيك و انسى حبك ليه
هو اللي حبك و شاف حلاوتك
هينسى ايه بس ولا ايه

اللي حبوا و قدروا ينسوا .. قدروا ينسوا ازاي و ليه
ده أنت غايب بس حبك .. ليل نهار باتغنى بيه
و اللي يهوى الحلو لازم يرضى بالمر اللي فيه
أنساك ازاي .. ازاي انساك .. ازاي انساك .. ازاي
ده أنا لو قلبي ينساك .. العين ما بتخبيش
و عنيا لو تنساك .. الفكر ما يسيبنيش
و الفكر لو ينساك .. الشوق ما يطاوعنيش
و الشوق لو كان يطاوعني .. حبك ما يرحمنيش
روحي أنا .. ليس بس أنا
ما قدرتش أنسى يوم ولا ساعة هنا
و بيلوموني .. و يقولوا لي ليه
ما اعملش زيك و انسى حبك ليه
هو اللي حبك و شاف حلاوتك
هينسى ايه بس ولا ايه

يا حبيبي مش بايدي .. أنسى حبك مش بايدي
ياما قلت أنساك و الاقي الصبر بيقول مش بايدي
ساعات بياخدني الفكر .. و أروح لبعيد
و اخاف ليكون في حياتك حب جديد
و انا اخاف ليه .. و هاخاف من ايه
ده احنا حبينا حبينا .. و الشوق ياما عمل الشوق فينا
كلمة يا حبيبي اقولهالك .. كانت تملا الدنيا علينا
همسة يا حياتي تقولهالي .. كانوا العشاق يحلفوا بينا
كل ده افتكره و اقول .. راجع
حبيبي راجع راجع
و هترجع تاني ليالينا ..
تعالى .. تعالى
اسمع يوم دقة قلبي .. و هي بتقول لك
انا عايزاك
روحي أنا .. ليس بس أنا
ما قدرتش أنسى يوم ولا ساعة هنا
و بيلوموني .. و يقولوا لي ليه
ما اعملش زيك و انسى حبك ليه
هو اللي حبك و شاف حلاوتك حبيتك و باداري عليك


حبيتك و بأداري عليك
ليلي نهاري بأفكر فيك
و بأشوف اشواقك في عينيك
و أستناك إنت اللي تقول

و عنيا أما بتفرح بيك
و شفايفي باسمك تناديك
و إيديا و هي بتهديك
بيبان قلبي عليك مشغول

حكايتي في عنيا .. بتفتن عليا
و أداريها عنك .. و تكسفني هيا
وياريتك تفهم على طول
و ياريتك إنت اللي تقول

حبيتك و باداري عليك ..

و تبقى قبالي
يا أغلى امالي
يا شاغل خيالي
و أفرح بقربك

أخاف نظرة مني
تبان غصب عني
و قلبي يخونني
و يفتن لقلبك

وياريتك تفهم على طول
و ياريتك إنت اللي تقول

حبيتك و باداري عليك ..

يا قلبي يا خايف
حبيب قلبي شايف
غرامك و عارف
و بيداري عني

و ليلي و نهاري
لامتى هتداري
عذابي و ناري
و اقول غصب عني

وياريتك تفهم على طول
و ياريتك إنت اللي تقول

حبيتك و باداري عليك ..

ياريتك تجيني
تقول لي شاريني
تفرح عيوني
بكلمة أحبك
ساعتها هاقول لك
مفيش حد قبلك
ولا حد بعدك
و هأفضل أحبك

وياريتك تفهم على طول
و ياريتك إنت اللي تقول

حبيتك و باداري عليك ..
__________________

اتمني الموضوع ينال رضاكم واعتذر للاطاله
__________________